AN GAIRDÍN A ATHCHÓIRIÚ
D’fhéadfadh tuilte an-damáiste a dhéanamh do do ghairdín.
Seo cúpla leid faoin gcaoi le do ghairdín a chosaint agus a athchóiriú:
Ithir agus teorainneacha
- Má éiríonn ithir báite, d’fhéadfadh na fréamhacha a bheith éadomhain, agus go n-éireodh na plandaí míshocair agus go mbeidís i mbaol má tharlaíonn triomach. Fan go dtriomaíonn an ithir agus ansin bí ag cartadh go domhain (cas an ithir go doimhneacht do láí) chun an fhadhb sin a sheachaint.
- I gcás tuilte sáile, ní féidir dada a dhéanamh ach na plandaí is ansa leat a bhaint, an ithir a níochán díobh agus iad a chur arís i bpotaí.
Glasraí
Caith amach barra a raibh tuile os a gcionn agus lig do na fiailí péacadh chun cabhrú leis an ithir triomú sula gcuireann tú plandaí nua ann.
Locháin
Bíonn beathra uisceach go breá i gcás tuilte fionnuisce go hiondúil, ach is dócha go maródh sáile roinnt díobh. Is é an bealach is fearr leis an lochán a chaomhnú ná eangach a cheangal os a chionn ionas nach n-imeoidh iasc agus plandaí uisceacha le sruth.
Plandaí
- Beidh formhór na bplandaí sa ghairdín go breá tar éis cúpla lá faoi uisce, ach teastóidh ocsaigin ó na fréamhacha. Píceáil na plandaí as an ithir, nigh an glár agus smionagar de na fréamhacha agus duilleoga, agus cuir iad áit éigin eile sa ghairdín atá níos tirime nó i bpota.
- Bearr aon duilleoga, gais nó craobhacha atá donn nó marbh.
- Cuir leasú a scaoiltear go mall san ithir mar gheall ar an cothaithigh a cailleadh.
- Ardaigh plandaí i bpotaí ar bhrící le cabhrú leis an uisce draenáil astu.
Faichí
Ná siúil ar fhaiche atá báite. Fan go mbeidh sí tirim agus aeráil an bharrithir le píce go thart ar 13 cm. Cuir gaineamh nach bhfuil aon aol ann isteach sna poill agus cuir síolta nua áit ar bith nach bhfuil aon fhéar ag fás níos mó.
Ná déan dearmad: B’fhéidir go mbeadh cúnamh ó chomharsana atá níos sine lena ngairdíní a athchóiriú.